Browser does not support script.
Mae’r Gymraeg yn iaith fyw ar Ynys Môn. Gyda dros hanner poblogaeth yr ynys yn siarad Cymraeg, mae’r iaith yn fyw yn y cartref, yn y gweithle, ac yn ein cymunedau. Mae’r Gymraeg wedi cael ei defnyddio yma ers dros ddwy fil o flynyddoedd ac yn dal i gael ei defnyddio bob dydd gan bobl o bob oed. Mae hyn yn gwneud Ynys Môn yn un o gadarnleoedd y Gymraeg.
Yn ogystal â’n dyletswydd i gynnig gwasanaeth Cymraeg, rydym yn benderfynol o sicrhau bod yr iaith yn ffynnu yma. Mae’n bwysig felly bod digon o gyfleoedd i blant, pobl ifanc, oedolion a theuluoedd i ddysgu a defnyddio’r Gymraeg yn yr ysgol, yn y gwaith, mewn busnesau ac mewn gweithgareddau hamdden. Rydym hefyd am sicrhau bod trigolion newydd yn ymwybodol o ddiwylliant arbennig yr ynys a bod cyfleoedd ar gael iddynt ddysgu Cymraeg.
Trwy gyd-weithio i greu mwy o gyfleoedd i ddefnyddio’r iaith ar Ynys Môn ein nod yw cyfrannu at weledigaeth genedlaethol Llywodraeth Cymru o filiwn o siaradwyr Cymraeg erbyn 2050.
Os ydych chi’n newydd i Ynys Môn, neu’n meddwl dod yma, hoffwn eich croesawu i un o gymunedau dwyieithog mwyaf bywiog Cymru.
Os nad ydych wedi siarad Cymraeg ers amser neu am ddysgu’r iaith o’r newydd, mae nifer o wahanol ffyrdd o roi cynnig arni. Mae digon o ddewis o gyrsiau i’ch siwtio chi ar gael yn lleol ac ar lein.
Mae cyfle i bob plentyn ar Ynys Môn i fod yn gwbl ddwyieithog. Dysgwch fwy am ein polisi addysg, yr addysg cyfrwng Cymraeg sydd ar gael yma a sut y gallwch gefnogi’ch plentyn ar ei daith i ddwyieithrwydd.
Mae cynnwys y Gymraeg fel rhan o’ch busnes yn gallu dod a mwy o gwsmeriaid drwy’r drws, yn adlewyrchu gwasanaeth lleol sy’n parchu’r gymuned, ac yn ffordd o ennyn ffyddlondeb cwsmeriaid.
Mae Comisiynydd y Gymraeg wedi gosod ystod o safonau arnom y mae’n rhaid i ni eu cwrdd er mwyn darparu gwasanaeth Cymraeg o safon i’r cyhoedd.
Dyma’r ddogfen sy’n gosod allan ein gweledigaeth ar gyfer y Gymraeg ar Ynys Môn.
Mae defnyddio enwau Cymraeg a chadw enwau hanesyddol yn rhan bwysig o warchod hunaniaeth ieithyddol arbennig ein hynys.
Mae’r proffil iaith yn rhoi darlun cynhwysfawr i ni o sefyllfa’r Gymraeg ar Ynys Môn yn cynnwys faint o bobl sy’n siarad yr iaith a faint o ddefnydd sy’n cael ei wneud o’r iaith ar yr ynys.
Mae Menter Iaith Môn yn hybu’r Gymraeg yn ein cymunedau trwy drefnu gweithgareddau i deuluoedd, plant, pobl ifanc ac oedolion o bob oed.
Dysgwch fwy am weledigaeth Llywodraeth Cymru ar gyfer miliwn o siaradwyr Cymraeg erbyn 2050.
Nod y fforwm yw hybu cydweithio rhwng sefydliadau er lles y Gymraeg ar Ynys Môn.
Mae ein gwefan yn defnyddio cwcis. Cyn parhau i ddefnyddio ein gwefan rhaid i chi ddewis y mathau o gwcis yr ydych am eu caniatáu.
Mae'r cwcis yma yn angenrheidiol ar gyfer swyddogaethau sylfaenol fel llywio tudalennau, cyflwyno cynnwys ac ein gwasanaeth help byw. Ni all y wefan weithredu'n iawn heb y cwcis hyn ac ni ellir ei anablu.
Mae cwcis dewis yn galluogi gwefan i gofio eich gosodiad rhagarweiniad iaith neu rheolaethau opsiynol.
Defnyddir cwcis ystadegol i ddeall sut mae ymwelwyr yn rhyngweithio â'r wefan trwy gasglu ac adrodd ar wybodaeth yn ddienw.